Questo Sito non fa uso ne di cookies per la profilazione dei visitatori ne di cookies di terze parti. Si Fa uso solo di coookies tecnici per la funzionalità del sito.

Boscà e l'Arsì (in dialetto castelnovese)

BOSCÀ E LARSÌ

Boscà, cossì ir ciamee, gea sempre pei boschi a fae legna per scardae a cà e peosi pea bestia. I gavea i zufi fina n’ zimo aa fronte, do zigi ai occi chi paee di penei e bafi aa garibaldina.
Gea n’omo de paola e i te miea con oci da amico, ma i se fea respetae.
L’Arsì, su mogea, l’ea na bea dona, fata ben e formosa come l’usee na vota. Bastea che te la miese a munzee a vaca per fartene n’idea; me a stea lì visin, e quande l’andea n’da stala er me ciamea: “Gianin !“- così er me ciamea perchè a son sempre sta mingherlin- “vene a buttae zu en po’ de fen de cor bon, così a vaca er magna e le sta bea ferma mentre a la munzo”.
Me, a ea ancoa ragazo, ma a comenzea a sentie er besogno de vedee cose ghea soto i vestiti da dona. Nea mia come mò ch’i van ar mae a vedee a bea ragaza che len meza nuda, a chi tempi i bagni a gi fee en der Betigna, ar “Traaton”. Soto a cascata de Sopran, gh’ea ‘n ber bozo e lì, nea giornata carda d’agosto, i s’artroee casternoesi e moin de pianesi, a fae er bagno, chi nudo, chi in mutanda, tanto aee tuti ragazi masci.
D’a ota andee en da vasca del’orto de Boscà a fae er bagno nudi: ma a ragaza dè lì er se fee a posta e, quande a eo drento a vasca, curiosa de vederse nudi, l’apiatee i vestiti po’ er ne miee e er s’ aridee come mata!
Tornando all’Arsì, me piasea miarla prepararse a munzee; come se sa a stala l’è sempre carda e besogna levarse da roba de dosso per munzee. Aloa er cominzea a levarse a blusa, e subito er metea ‘n mostra do bei pipin ch’er paea a Madona de’ desideri; po’ er se butea ‘ndré i zufi, er pijea er bancheto, er ser metea soto ar cuo, po’ er se tiea su a gona e er se metea er seciello tra a gamba che l’ee così ben fata da fae n’a lode ar creatoe. Po’ er se bagnea e man cor late e l’achiapea a popa da vaca en de n’a manea che te venia certi grili pea testa ! ! !
Fina er mi padron Filipo, chi gea avanti coi anni, al ritorno daa butega de comestibili de Pipo, i passea daa Betigna dove ghea da dona cor cuo per aia a lavae er bucato; aloa i me disea: “Ghe n’è una con en par de gamba, che se ben a son vecio, con le a me sentii d’arvenie zoenoto!”.
Na sea a ea a vegia, come se usea na vota: andea n’ da famighia contenti d’avee compagnia; Boscà e l’Arsì i g’avee testa che no’ visin s’andese a cà soa e no’, curiosi de conosee a vita intima de cuesta bea copia, a g’andee volentea. Cha ota Boscà gea de bon umoe e i ghe disea all’Arsì: “Arconteghe en po’ a prima nota!”

[...]

Informazioni aggiuntive